विराटनगर / सुनसरीको गढी गाउँपालिका वडा नम्बर ६ घर भएका ५० वर्षीया ज्ञानसन ऋषिदेवको घाँटी काटेर हत्या गरेको प्रारम्भिक चरणको अनुसन्धानबाट खुलेको छ ।

आज विहान गढी गाउँपालिका वडा नम्बर २ थलाहामा ऋषिदेवको टाउको काटेर हत्या गरेको अवस्थामा शव भेटिएको थियो । उनको घाँटी र सरिर फरक फरक ठाउँमा भेटीएको थियो । मृतकको घाँटी देखि मुनिको भाग एक ठाउँमा र टाउँको अर्को ठाउँमा भेटिएको प्रहरी अनुसन्धानले जनाएको छ ।

प्रहरीले सुरुमा घाँटीदेखिको मुनिको भाग मात्र भेटेको थियो । अनुसन्धान गर्दै जाँदा घाँटीदेखि मुनिको भाग भेटिएको स्थान देखि करिब ५० मिटर उत्तर पश्चिममा गढी वडा नम्बर २ गुजाइटोकीमा टाउँको भेटिएको सुनसरी प्रहरीका प्रवक्ता डिएसपी नविनकृष्ण भण्डारीले जानकारी दिए ।

ऋषिदेव रिङ बनाउने काम गर्थिए । रिङ बनाउने ठाउँमा शव भेटिएको हो । घटनास्थलमा अनुसन्धानको लागि प्रहरी टोली परिचालन भएको कोशी प्रदेश प्रहरी कार्यालय विराटनगरका प्रवक्ता एसएसपी भीम दाहालले जानकारी दिए । ‘अहिले घटनास्थलमा प्रहरी पुगेर अनुसन्धान भइरहेको छ । तालिम प्राप्त कुकुरलाई पनि ल्याएको छ ।