काठमाडौं / आज शुक्रबार बिहान तनहुँको आँबुखैरेनी गाउँपालिकामा बस दुर्घटनामा २७ जनाको मृत्यू भएको छ । आँबुखैरेनी गाउँपालिका वडा नम्बर २ ऐनापहारा नजिकै भएको उत्त बस दुर्घटनामा मृत्यु हुनेको संख्या २७ पुगेको छ ।

उत्त दुर्घटनामा गम्भीर घाइते १६ जनालाई उपचारका लागि नेपाली सेनाको हेलिकप्टर मार्फत काठमाडौं ल्याइएको छ । भने उनीहरुको महाराजगञ्ज स्थित टिचिङ अस्पतालमा उपचार भइरहेको छ ।

पोखराबाट काठमाडौंका लागि छुटेको बसमा ४३ जना सवार यात्रिहरु थिए । भारतको यूपी ५३ एफटी ७६२३ नम्बरको बस बिहान ऐना पहरानजिकबाट मर्स्याङ्दीमा खसेको थियो ।

मृत्यु हुने शवहरु आँबुखैरेनी गाउँपालिकामा राखिएको छ । दुर्घटना र अवस्थाबारे भारतीय राजदूतावासमार्फत जानकारी गराइएको छ । भद्र महिनाको ४ गते बेलहिया नाकाबाट ८ दिनको रुट परमिट लिएर नेपाल भित्रिएको थियो । उनीहरु २ दिन पोखराको स्पोट्र्स होटलमा बसेर काठमाडौं हिँडेको थिए ।