विराटनगर / विराटनगर महानगरपालिका वडा नं. १८ मा अवस्थित विराट मोरङ पब्लिक एकेडेमी बोर्डिङ स्कुलको प्राङ्गणमा अस्थायी प्रहरी पोष्ट भेडियारी मोरङको आयोजनामा सचेतनामूलक कार्यक्रम सम्पन्न भएको छ। यस कार्यक्रमको उद्देश्य बालबालिकाको अधिकार, सडक प्रयोग, र वातावरण सरसफाइ सम्बन्धि चेतना जगाउनु थियो।

 

कार्यक्रममा प्रहरी सहायक निरीक्षक पुण्य प्रसाद धमलाको नेतृत्वमा अस्थायी प्रहरी पोष्ट भेडियारीको टोलीले “विद्यार्थीको साथमा प्रहरी” अभियान अन्तर्गत छात्र, छात्रा, शिक्षक, शिक्षिका लगायत १५० जनालाई प्रशिक्षण दिएको थियो। कार्यक्रम बिहान १० बजे सुरु भई ११ बजे समापन गरिएको थियो।

 

यस अवसरमा सहभागीहरुले प्रहरीबाट बाल अधिकार र सुरक्षा सम्बन्धि महत्वपूर्ण जानकारी हासिल गरेका थिए। साथै, सडक सुरक्षा र वातावरण सरसफाईको महत्त्वका बारेमा पनि व्यापक छलफल भएको थियो।