विराटनगर/मोरङ जिल्लाको कटहरी गाउँपालिकामा आयोजित कृषि एक्स्पो २०८१ को पहिलो दिन बिहीबार नेपाल कम्युनिस्ट पार्टी (एकीकृत समाजवादी) का अध्यक्ष एवं पूर्व प्रधानमन्त्री माधवकुमार नेपालले एक्स्पोको अवलोकन गरेका छन्। नेपाल उद्योग वाणिज्य महासंघको कोशी प्रदेश समितिले आयोजना गरेको यस एक्स्पोमा नेपालले नेपाल र भारतका १ सय ३० वटा स्टलको निरीक्षण गरेका थिए।

पूर्व प्रधानमन्त्री नेपालसँगै पार्टीका उपमहासचिव एवं कोशी प्रदेशका पूर्व मुख्यमन्त्री राजेन्द्र राई र पार्टीका केन्द्रिय सदस्य ओसिम आलम पनि सहभागी थिए। सोही दिन कोशी प्रदेशका मुख्यमन्त्री हिक्मतकुमार कार्की र संघीय कृषि मन्त्री रामनाथ अधिकारीले एक्स्पोको उद्‌घाटन गरेका थिए। कृषि एक्स्पो २०८१, भाद्र २७ देखि ३० गतेसम्म सञ्चालनमा रहने छ।