विराटनगर /एन वाइ इफले विराटनगरमा बैंकहरुबीचको फुट्सल प्रतियोगिता सुरु गरेको छ।
विराटनगर–९ जेएनएल फुट्सल मैदानमा बिहीबार बिहान ११ बजेबाट सुरु भएको यस प्रतियोगितामा १३ वटा टिमले सहभागिता जनाएका छन्।
पहिलो दिनको खेलमा गोल्बल आईएमईले एनआईसी एसियालाई ४–१ ले, एलएमबी बैंकले एलआईएमबीलाई ४–२ ले, एनआईसी एसियाले एभरेष्ट बैंकलाई ३–१ ले, र कुमारी बैंकले ग्रामीण विकासलाई १–० ले पराजित गरेको थियो।
प्रतियोगिताका संयोजक क्षितिज थापा मगरका अनुसार बैंक र उद्यमीबीचको सम्बन्धलाई मजबुत बनाउनको लागि यो प्रतियोगिता आयोजना गरिएको हो।
शनिबार सेमिफाइनल र फाइनल खेल हुनेछन्। सेमिफाइनल खेलमा ११ बजे एनआईसी एसिया र गोल्बल आईएमईबीिच, र कुमारी बैंक र एनएमबीबीिच प्रतिस्पर्धा हुनेछ। त्यसपछि १२ बजे एनईएफ विराटनगर र एनवाईईएफ सुनसरीबीच फ्रेन्डली खेल आयोजना हुनेछ। बेलुका १ बजे सेमिफाइनल विजेता दुई टिमबीच फाइनल खेल हुनेछ।
प्रतियोगितामा विजेता टिमलाई रु ५०,००० नगद पुरस्कार र उपविजेतालाई रु २५,००० प्रदान गरिनेछ। साथै, उत्कृष्ट गोलरक्षक र सर्वाधिक गोलकर्ता खेलाडीलाई रु ५,००० नगद पुरस्कार दिइनेछ। विजेता टिमका सबै खेलाडीलाई पाँच–पाँच लाख बराबरको जीवन बीमा सुविधा पनि प्रदान गरिने आयोजकले जनाएको छ।