पाँचथर/ लगातारको वर्षाले ठाउँठाउँमा पहिरो जान थालेपछि पाँचथरको मिक्लाजुङ गाउँपालिकाले शुक्रबार असोज ११ गते पालिका भरिका सबै विद्यालयहरूमा बिदा दिएको छ। गाउँपालिकाले सूचना जारी गर्दै पहिरो र खोला, खोल्सामा बाढीको जोखिम बढेकाले विद्यालयहरू बन्द गर्ने निर्णय गरेको हो।

पालिकाले बाढी तथा पहिरोको सम्भावित जोखिमलाई ध्यानमा राख्दै स्थानीय बासिन्दालाई पनि विशेष सावधानी अपनाउन आग्रह गरेको छ। हालसम्म वर्षाका कारण केही स्थानमा सानोतिनो पहिरो गएको र खोलाहरूमा पानीको सतह बढेको बताइएको छ।

गाउँपालिकाले सम्भावित जोखिमलाई मध्यनजर गर्दै विद्यालय बिदाको साथै अन्य आवश्यक सतर्कता अपनाउन अपिल गरेको छ।