झापा/झापाको गौरीगंज गाउँपालिका–३ निवासी ३६ वर्षीय रामकुमार गिरीको करेन्ट लागेर मृत्यु भएको छ। जिल्ला प्रहरी कार्यालय झापाका अनुसार असोज १५ गते गिरीले घर नजिकै रहेको भान्द्रा खोलामा माछा मार्ने क्रममा करेन्ट लाग्दा गम्भीर घाइते भएका थिए।

गिरीले पानी तान्ने मोटरको तार खोलेर खोलामा लगाउँदा करेन्ट लागेर घाइते भएका थिए। उनलाई तत्कालै उपचारका लागि दमकको लाइफलाइन अस्पताल लैजाने प्रयास गरिए पनि बाटोमै मृत्यु भएको प्रहरीले जानकारी दिएको छ।

घटनाबारे जिल्ला प्रहरी कार्यालय झापाले थप अनुसन्धान गरिरहेको छ।