विराटनगर /पाँचथरको फिदिम नगरपालिका-६ निवासी २६ वर्षीय शुभराज तिम्रोकको अरिङ्गालले टोकेपछि मृत्यु भएको छ। प्रहरीले दिएको जानकारी अनुसार तिम्रोकलाई बुधबार अरिङ्गालले टोकेको थियो।

अरिङ्गालको टोकाइले गम्भीर रूपमा घाइते भएका तिम्रोकलाई स्थानीय क्लिनिकमा उपचार गरी घरमै राखिएको थियो। तर, उनको स्वास्थ्य अवस्था झन् बिग्रँदै गएपछि फिदिम लैजाने तयारी भइरहेका बेला हिजो उनको मृत्यु भएको प्रहरी स्रोतले जनाएको छ।