विराटनगर/ झापा गाउँपालिकामा शुक्रबार साँझ भएको सडक दुर्घटनामा दुईजना गम्भीर घाइते भएका छन्। झापा-३ को कामाटोलीबाट गैरीगाउँ जाने भित्री सडकमा ट्याक्टर र मोटरसाइकल आपसमा ठोक्किँदा दुर्घटना भएको हो।

स्थानीय धनबहादुर प्रधानका अनुसार, दुर्घटनामा झापा-३ निवासी धनबहादुर पौडेलका छोरा पुष्प पौडेल र मोटरसाइकलमा पछाडि सवार एक महिला गम्भीर घाइते भएका छन्।

तालु सन्थालको घरअगाडि खेत जोतेर कामाटोलीतर्फ जाँदै गरेको मे १ त ६०६२ नम्बरको ट्याक्टर र घर जाँदै गरेको मोटरसाइकल जुधेका थिए।

घाइतेहरूको उपचारका लागि स्थानीय स्वास्थ्य संस्थामा प्राथमिक उपचारपछि थप उपचारका लागि झापाको बीएण्डसी अस्पतालमा लगिएको छ। घटनाको थप अनुसन्धान भइरहेको झापा प्रहरी कार्यालयले जनाएको छ।