काठमाडौँ / सौर्य एयरको पाइलट मनिष शाक्यको मेरुदण्डको अप्रेशन गरीएको छ । सिनामंगल स्थित काठमाडौं मेडिकल कलेजमा मेरुदण्डको अपरेशनका लागि अप्रेशन थेएटरमा लगिएको एक चिकित्सकले जानकारी दिए । सौर्य एयरको जहाज दुर्घटनामा घाइते भएका पाइलट शाक्यको मेरुदण्डको अप्रेशन गरिएको छ ।

बुधबार काठमाडौंबाट पोखरा तर्फ उडेको सौर्य एयरको जहाज दुर्घटना हुँदा १८ जनाको मृत्यु भएको छ ।

त्यस्तै पाइलटको टाउकोमा चोट लागेकाले न्यूरो सर्जरी गर्ने र आँखामाथिको भागमा लागेको चोटको पनि अपरेशन गर्नुपर्ने ती चिकित्सकले बताए ।

अस्पतालका हाडजोर्नी विशेषज्ञ, न्यूरो सर्जन, फिजिसियनलगायत विशेषज्ञ चिकित्सकले उनको स्वास्थ्य जाँच गरिरहेका छन् । पाइलट शाक्यको भने घाइते अवस्थामा उद्दार गरिएको थियो ।