काठमाडौं / नेपालका ७७ जिल्ला मध्य ७३ जिल्लामा डेंगुका बिरामी भेटिएका छन् । इपिडिमियोलोजी तथा रोग नियन्त्रण महाशाखाका अनुसार नेपालका ४ जिल्ला बाहेकका सबै जिल्लामा डेंगुका बिरामी फेला परेका छन् । उत्त महाशाखाले जनाए अनुसार हालसम्म मुस्ताङ, हुम्ला, जुम्ला र डोल्पामा भने डेंगुका बिरामी फेला नपरेको अवस्था छन ।

काठमाडौँमा २०९ जना, झापामा १२९ , चितवनमा ९३ र मकवानपुरमा ७४ जनामा हालसम्म डेंगु संक्रमित फेला परेको महाशाखाले जनाएको छ । नेपालभर १ हजार ८ सय २५ जना डेंगु संक्रमित भएका छन । सबैभन्दा बढी डेंगु संक्रमित कोशी प्रदेश र बागमती प्रदेशमा फेला परेका छन् ।