हल्दिबारी / हल्दिबारी गाउँपालिका वडा नम्बर २ पाराखोपी बजार पुर्वबाट आफ्नै बाबुको हत्या अभियोगमा प्रहरीले छोरालाई नियन्त्रणमा लिएको छ ।
स्थानीय बर्ष ६३ का बासु राजवंशी आफ्नै घरकाे उत्तरपट्टी रहेकाे लिच्चिकाे बाेटमा संकास्पद रूपमा झुन्डिएको अवस्थामा मृत फेला परेपछि उनका छोरा सुनिल राजवंशीलाई अनुसन्धानको लागी नियन्त्रणमा लिएको प्रहरीले जनाएको छ ।
जिल्ला प्रहरी कार्यालय झापाका प्रहरी नायब उपनिरीक्षक (डिएसपी) कृष्ण कुमार चन्द सहितको अनुसन्धान टोलीले ४ घण्टा लगाएर गरेको अनुसन्धान पश्चात् मृतक राजवंशीको छोरा सुनिल राजवंशीलाई नियन्त्रणमा लिएको हो ।
झुन्डिएको अवस्थामा फेला परेका राजवंशीकाे टाउकाे, अनुहार सहित शरिरिका विभिन्न भागमा चाेट लागेकाे र अनुहार भरी रगत देखिएको वडा अध्यक्ष शुकलाल राजवंशीले बताए ।
स्थानीय र घरपरिवार संगको लामो अनुसन्धान पछि सुनिललाई नियन्त्रण लिएर जिल्ला प्रहरी कार्यालय झापा लगिएको छ भने मृतकको शवलाई आवस्यक अनुसन्धान पश्चात् पोसमार्टमको लागी मेची प्रादेशिक अस्पताल भद्रपुर लगिएको छ । मृतक बासु र उनका छोरा बिच राती झगडा भएको र छोराको लुगामा समेत रगत भेटिएपछि उनलाई नियन्त्रण लिएको प्रहरी श्रोतले जानकारी दिएको छ ।