विराटनगर /मोरङ जिल्लाको सुनवर्षी नगरपालिका-४, सुरतमा मिति २०८१ पुस १४ गते दिउँसो करिब १:३० बजे रामचन्द्र शाहको घरमा अचानक आगलागी हुँदा करिब १० लाख रुपैयाँ बराबरको क्षति भएको छ।

घरमुली रामचन्द्र शाहका अनुसार आगलागीका कारण घरमा रहेको ३ लाख नगद, सुनचाँदीका गरगहना, सम्पूर्ण खाद्यान्न, लत्ताकपडा, र अन्य सामग्री पूर्णरूपमा जलेर नष्ट भएका छन्। आगलागीको समयमा घरमा कोही नभएकाले मानवीय क्षति भने हुन पाएन।

स्थानीयवासीका अनुसार आगलागीले घरको सम्पूर्ण संरचना खरानी बनाएको छ। घटनाको कारण अझै खुल्न सकेको छैन भने यस विषयमा प्रहरीद्वारा थप अनुसन्धान जारी रहेको छ।

यो घटनाबाट पिडित परिवारलाई ठूलो आर्थिक नोक्सानी भएको हुँदा स्थानीय प्रशासन र समुदायबाट सहयोगको अपेक्षा गरिएको छ। साथै, पिडित परिवारलाई तत्काल राहत र पुनःस्थापनाका लागि पहल गरिनुपर्ने माग उठेको छ।

घटनाको कारण र विस्तृत जानकारीका लागि थप अनुसन्धान भइरहेको छ।