बिर्तामोड / बिर्तामोड – चन्द्रगढी सडकखण्डमा आज राति मोटरसाइकल दुर्घटना हुँदा चालक गंभीर घाइते भएका छन् ।

राति ८.४५ बजे बिर्तामोड– ९ को धौलापुलस्थित बिर्तामोड– चन्द्रगढी सडकखण्डमा बिर्तामोडबाट पाराखोपीतर्फ जाँदै गरेको मे ५ प ४४७९ नं. को मोटरसाइकल आफै अनियन्त्रित भई दुर्घटना भएको हो । दुर्घटनामा मोटरसाइकल चालक हल्दीबारी– २ पाराखोपी बस्ने ३८ वर्षीय धिरेन राजवंशी घाइते भएका हुन् ।

उनलाई उपचारका लागि बिर्तासिटी अस्पताल बिर्तामोड लगिएको छ । घाइतेको टाउको र अनुहारमा चोट लागेको छ । चालकले मादक पदार्थ सेवन गरेको र लाइसेन्स तत्काल नखुलेको जिल्ला ट्राफिक प्रहरी कार्यालय झापाले जनाएको छ ।

यस समाचार प्रतिदिन अनलाइन पत्रिकाबाट साभार गरिएको हाे ।