बिराटनगरमा सामुदायिक प्रहरी सेवा केन्द्र तिनपैनी नी द्वारा निःशुल्क स्वास्थ्य परीक्षण
बिराटनगर, – सामुदायिक प्रहरी सेवा केन्द्र, तीनपैनी बिराटनगरले प्रत्येक शनिबार बिहान ७ बजेदेखि ९ बजेसम्म निःशुल्क स्वास्थ्य परीक्षण गर्ने भएको छ। केन्द्रका कोषाध्यक्ष सन्तोष बाहेतीका अनुसार नियमित रूपमा हुने उक्त कार्यक्रमबाट स्थानीय सर्वसाधारण लाभान्वित हुनेछन्।
स्वास्थ्य परीक्षणका लागि ब्लड प्रेसर नाप्ने मेसिन, स्टेथोस्कोप तथा तौल नाप्ने मेसिन समाजसेवी तथा उद्योगपति चम्पालाल राठीले सहयोग स्वरूप उपलब्ध गराई केन्द्रलाई हस्तान्तरण गरेका छन्।
केन्द्रका सदस्य हिरा थापा मगरका अनुसार आगामी दिनमा सुगर तथा मधुमेह (डायबेटिज) निःशुल्क परीक्षण सेवा पनि सुरु गरिने तयारी गरिएको छ।
कार्यक्रमको उद्घाटन सत्रमा सामुदायिक प्रहरी सेवा केन्द्रकी अध्यक्ष मीना जोशी, उपाध्यक्ष विद्यानन्द माझी तथा कानुनी सल्लाहकार सुनिल कुमार कर्णलगायतको उपस्थिति रहेको थियो।