जिल्ला पत्रकार संघको निर्वाचन आइतबार फारबिसगंज स्थित रुङ्टा इन्स्टिच्युट अफ टेक्नोलोजी क्याम्पसमा निर्वाचन संचालन समितिका संरक्षक लक्ष्मीप्रसाद नायकको संयोजकत्वमा गठित १२ सदस्यीय समितिको रोहबरमा भएको थियो ।
जसमा अध्यक्षमा राकेश उर्फ मन्टु भगत, सचिवमा अमितकुमार अमन र कोषाध्यक्षमा रुपेशकुमार सिंहलाई सर्वसम्मतिले मनोनयन गरेको छ । यसअघि दीप प्रज्वलन गरी कार्यक्रमको सुरुवात गरिएको थियो । जसमा पत्रकार संघका लक्ष्मीप्रसाद नायक, अमरेन्द्र सिंह, रामदेव झा, राकेश भगत, अमित अमन, फुलेन्द्र मल्लिक, आमोद शर्मा, विष्णुदेव झा बेदी, आरआईटी निर्देशक डा सञ्जय प्रधान, ललित जैन, प्रिन्सिपल लगायतले संयुक्त रुपमा दीप प्रज्वलन गरेका थिए ।
कार्यक्रमको दोस्रो सत्रमा जिल्ला पत्रकार संघको बैठक बसेको थियो । जसमा पत्रकारहरुले सर्वसम्मतिबाट नयाँ अध्यक्ष, सचिव र कोषाध्यक्ष गठन गर्ने सम्बन्धमा आफ्नो धारणा राखेका थिए । यसै क्रममा निवर्तमान अध्यक्ष अमरेन्द्र कुमार सिंह
को कार्यकालमा संघका लागि गरिएका काम र पत्रकारको उत्थानका लागि भएका पहलबारे सर्वसाधारणलाई जानकारी गराइएको थियो । संघका पदाधिकारी छनोटपछि उपस्थित पत्रकारहरुले मनोनित अध्यक्ष, सचिव र कोषाध्यक्षलाई माला र अविर गुलाल लगाई बधाई दिएका थिए । कार्यक्रमको सफल संचालन पत्रकार ज्योतिष कुमार झाले गरेका थिए ।