विराटनगर / संस्कृति कुन्हु भि देशर पहिचान हए । लाेकेर बानी, बोलिचालि, रहनसहन, नुवा कपरा, खानपान, आर सोचाइ रइ संस्कृति हए। हामार देश नेपाल बहुसांस्कृतिक, बहुभाषिक आर बहुजातेर देश हए । हेत्ता भिन्ना भिन्नी समुदाय, जातजाति आर धर्मेर लाेक ला अप्ना अप्नार संस्कृति आर परम्परा अनुसार जीवन बिताचे, जैला हामार समाजरक आरह समृद्ध बनाइचे ।

संस्कृतिर मेन महत्व समाजरत एकता, मेलमिलाप आर आपसी सद्भाव बढाबार हए । संस्कृति लाेक लाक अप्नार जँर, पहिचान आर इमानदार जीवनशैली र जोरबा्र माध्यम हए । परम्परारेर संस्कार, पबनी पाे आर रीतिरिवाज ला लाेक लाक एक आपसत नज्दिक आानेचे आर सामाजिक सम्बन्धरक मजबुत बेनाचे ।

आजकार आधुनिक जुगत पश्चिमार प्रभावसे परम्परारेर संस्कृतित कुछु असर पराल देखाल जाचे । लेकिन हामा सभेकाेइ अप्नार मौलिक संस्कृति जगाबा जिम्मेवारीरूपत आगु बरभा लागे । स्कुल, परिवार आर समुदायेर नाया पुस्तालाक संस्कृतिर महत्व बुझाबार काम करबार जरुरी छे ।

संस्कृति केवल हामार पहेलकार सम्पत्ति ना हए, इर हामार भविसेर मार्गदर्शन भि हए । अइसे, अप्नार संस्कृति, भाषा आर परम्परारेर संरक्षण आर प्रवर्द्धन करबार हर लाेकेर कर्तव्य हए ।