सुनसरी/सुनसरी जिल्लाको देवानगंज गाउँपालिका वडा नं. ७ का वडा अध्यक्ष सूर्य नारायण यादवलाई जिउँदो व्यक्तिको मृत्यु दर्ता गरेको आरोपमा जिल्ला प्रहरी कार्यालय सुनसरीले पक्राउ गरेको छ। प्राप्त जानकारीअनुसार, यादव माथि एक जिउँदो व्यक्तिको झूटो मृत्यु दर्ता प्रमाणपत्र तयार गरी प्रशासनिक प्रक्रिया मिचेको आरोप लागेको हो।

वडा अध्यक्ष यादवलाई थप अनुसन्धानका लागि जिल्ला प्रहरी कार्यालय सुनसरीमा लगिएको छ। यस घटनाको विस्तृत विवरण आउन बाँकी रहेको छ भने प्रहरीले आवश्यक प्रमाण जुटाएर कानुनी कारबाही अगाडि बढाउने बताएको छ।

सम्बन्धित घटनामा प्रहरीद्वारा छानबिन जारी छ र यो प्रकरणले स्थानीय तहमा भएका प्रशासनिक अनियमितता प्रति प्रश्न उठाएको छ।