झापा/ अर्जुनधारा नगरपालिका–९, खरबन्दी स्थित रिता निरौलाको घरमा आयोजित पूजाको प्रसाद खाएपछि करिब ६० जना व्यक्तिहरू ‘फुड पोइजनिङ’का कारण बिरामी परेका छन्। पूजा समाप्तिपछि प्रसादको रूपमा रोटी, अचार र तरकारी खाएपछि अधिकांशलाई बान्ता, पखाला र ज्वरो आउने समस्या देखिएको थियो।

 

स्थानीय प्रहरीका अनुसार, अधिकांश बिरामीहरूलाई उपचार पश्चात घर फर्काइएको छ। घटनाको विस्तृत अनुसन्धान भइरहेको र बिरामीको स्वास्थ्य स्थिति सामान्य रहेको जनाइएको छ।