विराटनगर/ कीर्तिपुरस्थित टीयू अन्तर्राष्ट्रिय मैदानमा भोलीदेखि सुरु हुने नेपाल प्रिमियर लिग (एनपीएल) क्रिकेट प्रतियोगिताको तयारी अन्तिम चरणमा पुगेको छ।

प्रतियोगिताका लागि मैदानको पिचलाई उत्कृष्ट बनाउने कार्य पूरा भएको छ भने यसपटक पहिलोपटक डिजिटल स्कोर बोर्ड राखिएको छ। डिजिटल स्कोर बोर्डले खेलप्रेमीहरूलाई स्कोर र खेलको अवस्थाबारे प्रत्यक्ष जानकारी उपलब्ध गराउनेछ।

दर्शकहरूको सुविधालाई ध्यानमा राख्दै फ्यान जोन र भिआईपी क्षेत्रका लागि अस्थायी प्यराफिट निर्माण गरिएको छ। यो व्यवस्थाले खेल हेर्न आउने दर्शकहरूलाई थप आरामदायी र व्यवस्थित अनुभव प्रदान गर्ने अपेक्षा गरिएको छ।

एनपीएल प्रतियोगितामा देशका विभिन्न प्रतिष्ठित टोलीहरूले प्रतिस्पर्धा गर्नेछन्। खेलप्रेमीहरूको उत्साहलाई मध्यनजर गर्दै आयोजकले सम्पूर्ण तयारीलाई समयमै पूरा गरेको छ।