चितवन / चितवनमा भएको Hackathon चार दिने प्रतियोगितामा अरनिकाे कलेजका दुई विधार्थिले Hackathon 2026 मा नेपाल फस्ट भई ३ लाख नगद जित्न सफल भएका छन् ।अरनिकोका विद्यार्थीहरू eSewa x WWF Hackathon 2026 को प्रतिष्ठित उपाधि हात पार्न सफल भएका छन् । बिद्यार्थीद्वय आदित्य कुमार साह र पूजा यादवले ​स्नातक (Undergraduate) र त्योभन्दा माथिल्लो तहका विभिन्न शैक्षिक पृष्ठभूमि भएका प्रतिभाशाली प्रतिस्पर्धीहरूलाई पछि पार्दै अरनिको कलेजका विद्यार्थीहरूले अद्वितीय नवप्रवर्तन (innovation), उत्कृष्ट टिमवर्क र समस्या समाधान गर्ने सवल क्षमता प्रदर्शन गरेर विजेता बन्न सफल भएका छन्।

​चितवनमा आयोजना गरिएको उक्त चार दिने ह्याकाथनले वन्यजन्तु संरक्षण र सामाजिक प्रभावका लागि प्रविधिमा आधारित समाधानहरू खोज्न नेपालभरिका प्रखर युवा मस्तिष्कहरूलाई एकै ठाउँमा ल्याएको थियो। आफ्नो लगनशीलता, सिर्जनशीलता र दृढताका माध्यमबाट आदित्य र पूजाले राष्ट्रिय मञ्चमा अरनिको कलेजको उत्कृष्टता र क्षमतालाई उजागर गरेका छन्।

​यो कलेजका लागि अत्यन्तै गौरवपूर्ण उपलब्धि उनीहरूको कडा परिश्रम, नवप्रवर्तनप्रतिको लगाव र प्रविधिका माध्यमबाट अर्थपूर्ण समाधानहरू खोज्ने प्रतिबद्धताको प्रतिफल हो।

​यस उत्कृष्ट उपलब्धिका साथ नगद ३ लाखसहित अन्य थुप्रै पुरस्कार प्राप्त गर्न सफल भएका आदित्य र पूजालाई कलेजले बधाई दिएका छन् ।