विराटनगर/विराटनगरको सन्सारीमाइस्थित विराट कलेजले विदाई र स्वागत कार्यक्रम आयोजना गरेको छ।

यस कार्यक्रममा कलेजको चौथो वर्षमा अध्ययनरत ३३ औं ब्याचका २९ जना विद्यार्थीलाई विदाई गरिएको छ भने कक्षा ११ मा व्यवस्थापन संकायमा भर्ना भएका १३३ नयाँ विद्यार्थीलाई स्वागत गरिएको छ। कलेजका प्रिन्सिपल आरसी कोइरालाका अनुसार, कक्षा ११ र १२, बीबीएस, र एसिसिएमा कुल ७०० विद्यार्थी अध्ययनरत छन्। २०४८ सालमा स्थापित विराट कलेजलाई सोम्स कलेजको नामले पनि चिनिन्छ। कार्यक्रममा साहायक क्याम्पस प्रमुख रोशन घिमिरेले गुणस्तरीय र रोजगारमुखी शिक्षा प्रदान गरेर विद्यार्थीलाई सफल बनाउने प्रयासको कुरा गरे।

सोही अवसरमा, कलेजले शिक्षक महेश्वर दाहाल र इन्द्रलाल ठाकुरलाई सम्मानित गरेको छ। प्रमुख अतिथि त्रिविका क्षेत्रीय सह परीक्षक नियन्त्रक डा. डिल्ली प्रसाईले विद्यार्थीलाई संस्कारसहित रोजगारमुखी शिक्षा दिएर भविष्यमा सफल हुनुपर्नेमा जोड दिए।