विराटनगर/विराटनगरमा रोकिएको ट्रकमा मोटरसाइकल ठोकिँदा एकजनाको मृत्यु भएको छ। आइतबार राति विराटनगर १४ स्थित कोशी राजमार्गमा भएको उक्त दुर्घटनामा मोटरसाइकलमा सवार विराटनगर-१० का २५ वर्षीय कृष्ण मण्डलको मृत्यु भएको हो। दुर्घटनापछि गम्भीर घाइते भएका मण्डलको उपचारका क्रममा मृत्यु भएको प्रहरीले जनाएको छ।

मोटरसाइकल चालक विराटनगर-१५ का १८ वर्षीय राजीव मण्डल पनि घाइते भएका छन्। उनको विराटनगरस्थित विराट नर्सिङ अस्पतालमा उपचार भइरहेको छ।

प्रहरीका अनुसार, युपी ३पी २८९१ नम्बरको रोकिएको ट्रकमा प्रदेश १-०२-०४४ प ८०८५ नम्बरको मोटरसाइकल ठोकिएको थियो। ट्रक चालकलाई प्रहरीले नियन्त्रणमा लिएको छ र घटनाबारे थप अनुसन्धान भइरहेको छ।