विराटनगर। “समुदाय प्रहरी साझेदारी कार्यक्रम” अन्तर्गत मोरङको विराटनगर महानगरपालिका-१६ स्थित श्री मिल्स माध्यमिक विद्यालयको हलमा साइबर अपराध न्यूनिकरणसम्बन्धी सचेतनामूलककार्यक्रम सम्पन्न भएको छ।

ईलाका प्रहरी कार्यालय रानी मोरङ र सामुदायिक सेवा केन्द्र रानी मोरङको संयुक्त आयोजनामा गरिएको उक्त कार्यक्रममा इलाका प्रहरी कार्यालय रानीका कार्यालय प्रमुख प्रहरी निरीक्षक प्रकाश थापा प्रमुख अतिथिका रूपमा सहभागी भए।

 

कार्यक्रममा विद्यालयका कक्षा १० र १२ का ५० जना विद्यार्थीलाई साइबर अपराध र त्यसको प्रभावका बारेमा सचेत गराइएको थियो। कार्यक्रम दिउँसो ३:०० बजे सुरु भई ४:०० बजे समापन गरिएको थियो।

कार्यक्रमको उद्देश्य विद्यार्थीलाई साइबर अपराधसम्बन्धी जोखिमबाट बच्नका लागि जानकारी दिनु र सचेतना फैलाउनु रहेको आयोजकले जानकारी दिएका छन्।