विराटनगर / दशैँ पर्वको अवसरमा यस वर्ष पनि ‘डाँडीया कार्नीभल’ आयोजना हुने भएको छ। महेश्वरी समाज अन्तर्गत महेश्वरी महिला र युवा मञ्चको आयोजनामा असोज १८ गते विराटनगरस्थित जैन भवनमा ‘डाँडीया कार्नीभल’ हुने भएको हो।

 

महेश्वरी महिला मञ्चकी अध्यक्ष ललिता जाजुका अनुसार, उक्त इभेन्टमा सर्कस सो, फायर सो, लाइभ डिजे, ट्याटु आर्ट स्टल, विभिन्न परिकारका खानाका स्टलहरू, आकर्षक पुरस्कार र नृत्यको व्यवस्था गरिएको छ। कार्यक्रममा भारतका चर्चित डिजे मुख्य आकर्षणका रूपमा रहनेछन् भने स्थानीय कलाकारहरूको पनि प्रस्तुति रहनेछ।

 

महेश्वरी युवा मञ्चका अध्यक्ष अजय राठीले सहभागीहरूलाई आकर्षक र सरप्राइज गिफ्टहरू समेत प्रदान गरिने जानकारी दिएका छन्। इभेन्ट संयोजक सञ्जु बाहेती र साहिल मुण्डडाले कार्यक्रममा खानाका विभिन्न परिकारका फूड स्टलहरू पनि राखिने बताएका छन्।

 

डाँडीया कार्नीभलले दशैँको उल्लासमय वातावरणमा मनोरञ्जन र सांस्कृतिक गतिविधिलाई प्रवर्द्धन गर्ने उद्देश्य लिएको आयोजकले जनाएको छ।