विराटनगर /मोरङ जिल्लाको रंगेली नगरपालिका-९, धनजुवामा मंगलबार चट्याङ लागेर एक महिलाको मृत्यु भएको छ भने अर्की एक महिला घाइते भएकी छिन्।

खेतमा घाँस काट्ने क्रममा स्थानीय लुखीराम हेमरमकी २८ वर्षीया श्रीमती साकरु हेमरमलाई दिउँसो १२:३० बजे चट्याङ लाग्दा घटनास्थलमै मृत्यु भएको प्रहरीले जनाएको छ।

त्यसैगरी, चट्याङकै कारण २२ वर्षीया बिनिता हेमरमको कानबाट रगत बग्न थालेपछि उनलाई तत्काल रंगेली अस्पताल लगिएको थियो। उनको उपचार भइरहेको छ।

प्रहरीका अनुसार, मौसम परिवर्तनको समयमा चट्याङको जोखिम बढेकोले सावधानी अपनाउन स्थानीयलाई आग्रह गरिएको छ।