विराटनगर /मोरङको बेलबारी ३ स्थित पुरानो बेलबारी छेउ खप्तडी बस्नेत धार्मिक बन नजिक मंगलबार साँझ बस र बोलेरो एकआपसमा ठोक्किँदा गम्भीर दुर्घटना भएको छ। पूर्वबाट पश्चिमतर्फ जाँदै गरेको ना ४ ख १४९० नम्बरको दिदीभाई बस र पश्चिमबाट पूर्वतर्फ आउँदै गरेको प्रदेश १-०२-००१ ज ४२७७ नम्बरको बोलेरो एकआपसमा ठोक्किँदा बोलेरो पूर्ण रूपमा क्षतिग्रस्त भएको छ।

दुर्घटनामा केही व्यक्तिहरू गम्भीर घाइते भएका छन् भने दुर्घटनाको थप विवरण आउन बाँकी छ। घाइतेहरूको उद्दार कार्य जारी रहेको र स्थानीय प्रहरी तथा स्वास्थ्यकर्मीहरूले घटनास्थलमा उद्धार कार्य गरिरहेका छन्।