विराटनगर /मोरङको सुन्दरहरैँचामा बिहीबार दुई बस आपसमा ठोक्किँदा १० जनाभन्दा बढी यात्रु घाइते भएका छन्। झापाबाट इटहरीतर्फ आइरहेको र इटहरीबाट झापातर्फ जाँदै गरेको बस एकआपसमा ठोक्किँदा दुर्घटना भएको हो।

मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले दुर्घटनामा १० भन्दा बढी यात्रु सामान्य घाइते भएको जानकारी दिएका छन्। घाइतेहरुलाई उपचारका लागि नजिकैको स्वास्थ्य संस्थामा पठाइएको छ।

दुर्घटना पूर्वपश्चिम राजमार्गअन्तर्गत सुन्दरहरैँचा नगरपालिका–४, दुलारी क्षेत्रमा भएको हो। दुर्घटनाको थप विवरण आउन बाँकी रहेको प्रहरीले जनाएको छ।