विराटनगर/मोरङ जिल्लामा दुई अलग-अलग घटनामा डुबेर एक बालिका र एक वृद्धको मृत्यु भएको छ।

पहिलो घटना मोरङको रतुवामाई–२ मा घटेको हो, जहाँ १२ वर्षीया सन्ध्या शर्मा पोखरीमा पौडी खेल्ने क्रममा डुबेर ज्यान गुमाएकी हुन्। हिजो दिउँसो २ बजे छिमेकी विमल राजवंशीको पोखरीमा डुबेकी सन्ध्यालाई उपचारका लागि नगर अस्पताल पुर्याएपछि चिकित्सकले मृत घोषणा गरेका थिए।

दोस्रो घटना मोरङको केराबारी–९ मा भएको हो, जहाँ ८६ वर्षीय गोबिन्दप्रसाद बजगाईलाई लोहान्द्रा खोलाले बगाउँदा ज्यान गएको हो। स्थानीयले बिहान ११:३० बजे खोलाको किनारमा उनको शव फेला पारेपछि प्रहरीलाई खबर गरेका थिए।

दुबै घटनाले स्थानीय क्षेत्रमा शोकको वातावरण छाएको छ।