विराटनगर / खोटाङ जिल्लाको रावाबेसी गाउँपालिका-१ कुभिण्डेमा मंगलबार एक बोलेरो गाडी दुर्घटनामा परी ६ जना घाइते भएका छन्। च १ ज ५५८ नम्बरको बोलेरो गाडी नुनथला–ऐसेलुखर्क सडकखण्डमा अनियन्त्रित भई पल्टिएको हो।

डुम्रेधारापानीबाट सदरमुकाम दिक्तेलतर्फ गइरहेको गाडी दुर्घटनामा परेको खोटाङका प्रहरी निरीक्षक (डीएसपी) प्रतीक विष्टले जानकारी दिए। घाइतेहरुलाई तत्कालै उद्धार गरी जिल्ला अस्पताल खोटाङमा उपचारका लागि लगिएको छ। अस्पतालमा सबै घाइतेहरूको अवस्था सामान्य रहेको बताइएको छ।

दुर्घटनाको कारण भने अहिलेसम्म खुल्न सकेको छैन। प्रहरीका अनुसार घटनाको थप अनुसन्धान भइरहेको छ।