सुनवर्षी /मोरङ्गको सुनवर्षी नगरपालिका–९ भेडवाथानबाट चारजना जुवाडे पक्राउ परेका छन्। हिजो साँझ ६ बजे इलाका प्रहरी कार्यालय रंगेलीको टोलीले विशेष सूचनाका आधारमा कहरसिंह राजवंशीको घरमा छापा मारेर उनीहरूलाई पक्राउ गरेको हो।

प्रहरीले तास खेल्दै गरेको अवस्थामा उनीहरूलाई नियन्त्रणमा लिँदा तीन बुक तास र १ लाख ८२ हजार रूपैयाँ नगद समेत बरामद गरेको छ। पक्राउ परेका व्यक्तिहरूमा ५३ वर्षीय कहरसिंह राजवंशी, ४७ वर्षीय सुरेशप्रसाद साह (सुनवर्षी –९), ३७ वर्षीय नित्यानन्द सुतिहार (वडा नं–६), र ४६ वर्षीय उमेश पोदार (रंगेली–७) रहेका छन्।

उनीहरूलाई इलाका प्रहरी कार्यालय रंगेलीको हिरासतमा राखिएको छ।