विराटनगर /भद्रपुर नगरपालिका वडा नं. ९, घोडामारा गोजाटोल निवासी रविलाल (बोङ्ग) राजवंशीकी श्रीमती जमुना राजवंशी र पाँच वर्षीया छोरी आरधना राजवंशी घरबाट बेपत्ता भएका छन्। हिजो राति घरबाट अचानक हराएका उनीहरू हालसम्म कुनै ठेगान नलागेपछि परिवारले खोजी कार्यमा सहयोगका लागि अपिल गरेका छन्।

बेपत्ता भएका आमा-छोरीको खोजीका लागि परिवार र आफन्तजनले विभिन्न ठाउँमा सम्पर्क गरेका छन् तर हालसम्म उनीहरूको कुनै सूचना प्राप्त हुन सकेको छैन। तस्बिरमा देखिएका जमुना र आरधनालाई कतै देख्नुभएमा नजिकको प्रहरी कार्यालयमा अथवा ९८१४०९९२१७ नम्बरमा सम्पर्क गरी जानकारी गराउन परिवारले आग्रह गरेको छ।

सहयोगको अपेक्षा गर्दै परिवारले सम्बन्धित सबैलाई सम्पर्क गरी खबर पुर्‍याउन अनुरोध गरेको छ।