विराटनगर/ झापा, कमल गाउँपालिका–७ निवासी ३८ वर्षीय संदेश बस्नेत प्रतिबन्धित औषधीसहित पक्राउ परेका छन्।
इलाका प्रहरी कार्यालय दमक र अस्थायी प्रहरी पोष्ट बाह्रघरेबाट खटिएको प्रहरी टोलीले गोप्य सूचनाका आधारमा बस्नेतको घरमा चेकजाँच गर्दा प्रतिबन्धित औषधीको ठूलो मात्रामा फेला परेको हो। प्रहरीका अनुसार, घरमा लुकाइराखेको अवस्थामा ट्रामाडोल ४९३ पत्ता, स्पासेन ५०३ पत्ता, र डेकोलिक ४२ पत्ता फेला परेको छ।
प्रतिबन्धित औषधीसहित बस्नेतलाई नियन्त्रणमा लिएर थप अनुसन्धानका लागि इलाका प्रहरी कार्यालय दमकमा राखिएको जिल्ला प्रहरी कार्यालयले जानकारी दिएको छ।
यस घटनाबारे थप अनुसन्धान भइरहेको प्रहरी स्रोतले जनाएको छ।
