विराटनगर/ मोरङको सुन्दरहरैँचा र बूढीगंगामा मंगलबार राति भएका छुट्टा-छुट्टै दुर्घटनामा दुईजनाको ज्यान गएको छ।
सुन्दरहरैँचा नगरपालिका–१० बाघझोडामा प्रदेश १–०२–०४६ प ३२१२ नम्बरको मोटरसाइकलले ठक्कर दिँदा पैदलयात्री ६४ वर्षीया सीता गुरागाईंको मृत्यु भएको हो। घटनापछि प्रहरीले मोटरसाइकल चालक २६ वर्षीय भुवन खप्तडीलाई नियन्त्रणमा लिएको छ। चालकसँग सवारी चालक अनुमतिपत्र फेला नपरेको प्रहरीले जनाएको छ।
यस्तै, बूढीगंगा गाउँपालिका–५ मा साइकलबाट लडेर सोही ठाउँका २५ वर्षीय जलेश्वर सरदारको मृत्यु भएको छ।
दुबै घटनामा प्रहरीले आवश्यक अनुसन्धान गरिरहेको छ।