विराटनगर / रामेछापको गोकुलगंगा गाउँपालिका–फर्फुमा शुक्रबार भएको गाडी दुर्घटनामा पाँच जनाको मृत्यु भएको छ। दुर्घटनामा तीन जना गम्भीर घाइते भएको जिल्ला प्रहरी कार्यालय, रामेछापले जनाएको छ।

प्रहरीका अनुसार घटनास्थलतर्फ टोली खटाइएको छ। विस्तृत विवरण आउन बाँकी रहेको जिल्ला प्रहरी कार्यालय रामेछापका सूचना अधिकारी इन्स्पेक्टर विक्रम खड्का मगरले जानकारी दिए।

दुर्घटना के कारणले भयो भन्नेबारे पुष्टि नभए पनि घटनाले ठूलो मानवीय क्षति भएको छ। घाइतेहरूलाई नजिकैको स्वास्थ्य संस्थामा उपचारका लागि पठाइएको छ।

स्थानीय प्रशासन र प्रहरीको टोलीले उद्दार कार्यमा जुटेको छ। दुर्घटनाको थप विवरण आउन बाँकी रहेको छ।