विराटनगर / विराटनगर वडा – ९ मा जिओन युनिसेक्स सैलुन सञ्चालनमा आएको छ । आज विराटनगर स्थित कलेज रोड देखी मेनरोड निस्कने बाटोमा रहेको सैलुनको औपचारिक उद्धाटन भएसँगै सञ्चालनमा आएको हो ।

सैलुनको औपचारिक उद्धाटन कोशी प्रदेश सरकारका राज्यमन्त्री सिर्जना राई , कोशी प्रदेश खेलकुद विकास बोर्डका सदस्य सचिव कृष्ण ( पर्शुराम ) बस्नेत , उद्योगी अरूण राठीले संयुक्त रूपमा रिवन काटेर गर्नु भएको थियो ।

सैलुनका सञ्चालिका शान्ता जोशीले विराटनगरमा सबै उमेर समूहका पुरूष तथा महिलालाई लक्षित गर्दै सैलुन सञ्चालनमा ल्याएको जानकारी दिनु भयो । विराटनगरमा पछिल्लो समय सुविधासम्पन्न सैलुनको माग बढी रहेकोले बजारको अवस्था अनुरूप सैलुन सञ्चालनमा ल्याएको जोशीले बताउनु भयो ।