दुहबी /दुहवी नगरपालिका वडा नं. ३ मा रहेको श्री गणेश बचत तथा ऋण सहकारी संस्था लिमिटेडको तेस्रो  वार्षिक साधारण सभा तथा वनभोज कार्यक्रम सम्पन्न भएको छ ।

श्री गणेश बचत तथा ऋण सहकारी संस्था लि.को आज मंसिर २२गते (शनिबार) संस्थाको इटहरी स्थित तालतलैयामा तेस्रो  साधारण सभा सहित बनभोज कार्यक्रम सम्पन्न भएको हो ।

उक्त कार्यक्रम संस्थाका अध्यक्ष जीवन प्रसाद लुईटेलको अध्यक्षता एवं जिल्ला बचत तथा ऋण सहकारी संघका सल्लाहकार, कोशी प्रदेश बचत तथा सहकारी संघ का सदस्य मीलिराम चौधरीको प्रमुख आतिथ्यता रहेको थियो ।३ वर्ष अघि खोलीएको दुहबीको श्री गणेश बचत तथा ऋण सहकारी संस्था लिमिटेडले तेस्रो वर्ष प्रवेश गरे संगै संस्थाको निक्षेप रकम संकलन १करोड  ४२लाख ५६ हजार  १८ रुपैया  पुर्याएको छ ।

तेस्रो  साधारण सभा दुहबी वडा नम्वर ३ स्थित श्री गणेश सहकारीको कार्यालयको इटहरी स्थित तालतलैयामा  शनिवार आयोजित तेस्रो साधारण सभामा प्रस्तुत प्रतिवेदन अनुसार सहकारीमा निक्षेप संकलन १करोड ४२ लाख ५६ हजार १८ रुपैया  पुगेको हो । साधारण सभामा संस्थाका अध्यक्ष जिवन प्रसाद लुइटेलले वार्षिक प्रतिवेदन प्रस्तुत गर्दै यस अवधिमा यस सहकारीप्रति बढ्दो विश्वासनियताको फलस्वरुप निक्षेपकर्ता पनि बढ्दो रहेको बताउँदै दोस्रो वर्षसम्म आइपुग्दा ४ सय भन्दा बढी शेयर सदस्य रहेको सहकारीको संस्थागत आर्थिक र सामाजिक रुपमा पनि सशक्त र सबल रुपमा उभिएको बताए । सहकारीले निम्न आय भएका वर्ग, समुदायलाई आर्थिक रुपमा सवल बनाउन, उत्पादन मूलक र व्यापारिक क्षेत्रमा ऋण प्रवाह गरेको अध्यक्ष लुइटेलले बताए ।

संस्थाका अध्यक्ष लुइटेलले भने – हामीले विभिन्न क्षेत्रहरुमा लगानीलाई प्राथमिकतामा राखी सम्पूर्ण सेयर सदस्यहरु बिच बचत गर्दै ऋण लगानी गरेका छौ । अहिले देश आर्थिक मन्दीको चपेटामा परेको हुँदा पनि हामी निर्धकताका साथ बचत फिर्ता गरी ऋण लगानी सहज रुपमा गर्न सकेका छौ । हामीले छिटो छरीतो विश्वासनिय सेवा प्रदान गरिरहेका छौ । संस्थाका विकासका लागि सञ्चालक समिति, लेखा सुपरिवेक्षेक साथै अन्य उपसमितिहरु लगायत संस्थाका कर्मचारीहरुको अथक प्रयास पछि हामी तेस्रो  वर्षमा प्रवेश गरेका छौ । हाम्रो अथक मेहनत र लगनशिलताले आज हामी सहकारीलाई उचाईमा पु¥याउन सफल भएका छौ ।

तेस्रो साधारण सभामा प्रमुख अतिथि मीलिराम चौधरीले सहकारीको सफलता यस्का निक्षेपकर्ताहरुको आत्मनिर्भरता सँग गाँसिएको हुने भएकोले सम्पूर्ण सदस्यहरुले आत्मसाथ गर्दै जानुपर्ने सुझाव दिए । उनलेले सहकारी विना आर्थिक संम्वृद्धि नहुँने भन्दै रचनात्मक र उत्पादनमुखी व्यवसायमा लगानी गर्नुपर्नेमा जोड दिए ।

कार्यक्रममा स्वागत मन्तब्य संस्थाका उपाध्यक्ष मोतीलाल चौधरीले दिएका थिए भने कार्यक्रम सञ्चालन संस्थाका सचिव ऋषि साहले गरेका थिए ।युवाहरु को आकर्ष रहेको यो संस्था हो ।