विराटनगर/ इलामको माङ्सेबुङ गाउँपालिका–३ सल्लेरीमा ट्रक मर्मत गर्दै गर्दा किचिएर चालकको मृत्यु भएको छ। मृत्यु हुने चालक पाँचथर हिलिहाङका ३८ वर्षीय कुमार तामाङ रहेका छन्।

ना ३ ख ६०३७ नम्बरको काठ बोकेको ट्रक रवि–दमक सडकखण्डमा बिग्रिएपछि चालक तामाङ त्यसको मर्मत गरिरहेका थिए। मर्मतका क्रममा चक्काको नटबोल्ट भाँचिएपछि जगको सहाराले ट्रक उठाइएको थियो। तर, अचानक जग भासिएर तामाङ च्यापिएका थिए।

घटनापछि गम्भीर घाइते भएका तामाङको उपचारको क्रममा मंगलबार बिहान मृत्यु भएको जिल्ला प्रहरी कार्यालय इलामका प्रवक्ता प्रहरी नायव उपरीक्षक मानबहादुर राईले जानकारी दिएका छन्।

प्रहरीले घटनाबारे थप अनुसन्धान भइरहेको जनाएको छ।