बिराटनगर /नेपाली विद्यार्थीहरूलाई बाङ्गलादेशमा चिकित्साशास्त्र अध्ययनका अवसरबारे जानकारी दिन Achievers Consulting Services ले एक दिने अभिमुखी कार्यक्रम सम्पन्न गरेको छ।

कार्यक्रममा बाङ्गलादेशको Diabetic Association Medical College, Faridpur का प्रिन्सिपल डा. एम.डी. जोहिरुल इस्लाम मिया प्रमुख वक्ता रहनुभएको थियो। उहाँले बाङ्गलादेशमा नेपाली विद्यार्थीहरूको लागि चिकित्सा अध्ययनको उत्कृष्ट अवसर रहेको र त्यहाँको शान्तिपूर्ण वातावरणले विद्यार्थीहरूको अध्ययनलाई सहज बनाउने उल्लेख गर्नुभयो।

डा. Miah ले बाङ्गलादेशले पछिल्ला वर्षहरूमा शिक्षा क्षेत्रमा ठूलो सुधार ल्याएको कुरा बताए। उहाँका अनुसार, बाङ्गलादेशको चिकित्सा क्षेत्र अहिले सुरक्षित र आकर्षक गन्तव्यको रूपमा विकास भएको छ, जसले हरेक वर्ष नेपालबाट ६ देखि ७ जना विद्यार्थीलाई आकर्षित गर्ने गरेको छ। उहाँले थप गर्नुभयो, “Diabetic Association Medical College, Faridpur को शैक्षिक गुणस्तर र यहाँको वातावरण विद्यार्थीहरूको अध्ययनका लागि अत्यन्त अनुकूल छ।”

कार्यक्रममा डा. मिया ले कलेजमा उपलब्ध सुविधाहरूका बारेमा पनि जानकारी गराउनुभयो। उहाँका अनुसार, कलेज र होस्टेल बीचको दुरी मात्र दुई मिनेटको छ, जसले विद्यार्थीहरूलाई सुविधा र समय व्यवस्थापनमा मद्दत पुर्‍याउँछ। साथै, होस्टेलमा विद्यार्थीहरूले घरकै खाना बनाउन सक्ने व्यवस्था रहेको र कलेजको अस्पतालमा इन्टर्नशिपको अवसर पनि प्रदान गरिने जानकारी दिइयो। अन्य कलेजहरूमा जस्तो इन्टर्नशिपका लागि छुट्टै शुल्क नलाग्ने कुरा पनि उहाँले प्रस्ट पार्नुभयो।

उहाँले बाङ्गलादेशको ढाका शहरमा अवस्थित Diabetic Association Medical College को वातावरण शान्तिपूर्ण रहेको बताउँदै, नेपालका विद्यार्थीहरूको लागि अहिले बाङ्गलादेशमा चिकित्साशास्त्र अध्ययन गर्न उपयुक्त समय रहेको धारणा व्यक्त गर्नुभयो। बाङ्गलादेशले शिक्षा, स्वास्थ्य, र अन्य क्षेत्रहरूमा उल्लेखनीय प्रगति गरेको छ, जसले गर्दा विदेशी विद्यार्थीहरूको आकर्षण बढेको छ।

कार्यक्रममा उपस्थित विद्यार्थी र अभिभावकहरूले बाङ्गलादेशमा चिकित्साशास्त्र अध्ययनका लागि भएका अवसरबारे विस्तृत जानकारी पाएका थिए। डा. Miah ले बाङ्गलादेशका मेडिकल कलेजहरूले गुणस्तरीय शिक्षा, आधुनिक पूर्वाधार र उत्कृष्ट सिकाइ वातावरण प्रदान गर्ने भएकाले, नेपाली विद्यार्थीहरूले आफ्नो भविष्यका लागि यसलाई राम्रो विकल्पको रूपमा लिन सक्ने धारणा व्यक्त गर्नुभयो।

Achievers Consulting Services ले आयोजना गरेको यस अभिमुखी कार्यक्रमले विद्यार्थीहरूलाई बाङ्गलादेशको चिकित्सा शिक्षा प्रणाली, त्यहाँको वातावरण, र अध्ययनका लागि भएका सुविधाबारे व्यापक जानकारी प्राप्त गराउन मद्दत गरेको छ। यसले नेपाली विद्यार्थीहरूलाई बाङ्गलादेशमा उच्च शिक्षा हासिल गर्न प्रेरित गरेको आयोजकहरूले बताए।

कार्यक्रमले नेपाली विद्यार्थीहरूका लागि बाङ्गलादेशमा चिकित्सा अध्ययन गर्नका लागि थप प्रेरणा दिएको छ र त्यहाँको शैक्षिक वातावरण र अवसरहरूको सदुपयोग गर्न यसलाई उपयुक्त समय रहेको सन्देश प्रवाहित गरेको छ।