विराटनगर/भारी वर्षाका कारण झापाका नदीहरुमा जलसतहले खतराको तह पार गरेको छ। आज बिहान ११ बजे गरिएको मापन अनुसार कन्काई नदीमा जलसतह ३.८ मिलिमिटर पुगेको छ भने निन्दा नदीमा १२२.२८ मिलिमिटर पुगेको छ, जुन खतराको तह पार गरेको मानिन्छ।

नेपाल रेडक्रस सोसाइटी झापाका अनुसार, पछिल्लो २४ घण्टामा विभिन्न स्थानमा उल्लेखनीय वर्षा भएको छ। केचनामा २०५.८ मिलिमिटर, गौरादहमा १९३.४ मिलिमिटर, चन्द्रगढी एयरपोर्टमा १९३.४ मिलिमिटर, अनारमनी बिर्तामोडमा १८७.६ मिलिमिटर, कन्काई मैनाचुलीमा २१३ मिलिमिटर, शनिश्चरेमा १२२ मिलिमिटर, सिस्नेमा १३० मिलिमिटर, बाहुण्डाँगीमा १४५ मिलिमिटर, र कन्याममा १०२ मिलिमिटर वर्षा भएको छ।

यसले गर्दा झापा जिल्लाका विभिन्न स्थानहरुमा बाढी र डुबानको सम्भावना बढेको छ, जसले गर्दा सर्वसाधारणलाई उच्च सतर्कता अपनाउन आग्रह गरिएको छ।