विराटनगर /उदयपुरको बेलका नगरपालिका-८ का ४८ वर्षीय दानबहादुर राईले आफ्नी ४० वर्षीया श्रीमती पूर्णकुमारी राईमाथि पेट्रोल खन्याएर आगो लगाएको घटनामा पीडित महिलाको निधन भएको छ ।

घटना असोज २२ गते भएको थियो । घरयासी विवादको क्रममा दानबहादुरले श्रीमतीमाथि पेट्रोल खन्याएर आगो लगाएका थिए । गम्भीर घाइते भएकी पूर्णकुमारीलाई उपचारका लागि धरानस्थित बीपी कोइराला स्वास्थ्य विज्ञान प्रतिष्ठान लगिएको थियो । तर, उपचारकै क्रममा उनको निधन भएको जिल्ला प्रहरी कार्यालय उदयपुरका इन्स्पेक्टर सुमन बानियाले जानकारी दिए ।

घटनाको विषयमा प्रहरीले दानबहादुरलाई पक्राउ गरी आवश्यक अनुसन्धान गरिरहेको छ । यस घटनाले समाजमा महिला हिंसाको गम्भीर समस्यालाई पुनः उजागर गरेको छ ।