दुहबी / सुनसरीको दुहबीमा विश्व हिन्दु परिषद नेपाल युवा बिभाग दुहबीले  रामनवमीको पर्वको पावन अवसरमा आज बृहत मोटर साइकल रैली  तथा बिशाल शोभा यात्रा निकालेको छ। दुहबी नगरपालिका वडा नम्बर ६मा रहेको  श्रीराम मन्दिरको प्राङ्गण बाट बिहान बृहत मोटरसाइकल रैलि र वेलुका श्रीराम भगवान मुर्ति सहित रथ जस्तो सजाएरशोभा यात्रा निकालीएको हो। विभिन्न संघसंस्था समन्वय र स्थानीयको सहभागीतामा मन्दिर पसिरबाट निकालिएको शोभा यात्राले नगर परिक्रममा गरेको थियो ।

‘जय श्रीराम’ नारा महाकाल अंकित भगवा झण्डा र नाचगान ,बाजागाजासहित निस्केको शोभा यात्राले राधाकृष्ण मन्दिर चौक ,डागा चौक हुँदै सोनापुर ,ढकाल चौक ,वुढिखोला पुल सहित दुहबी बजार परिक्रमा गरि  पुन: दुहबी पुरानो बजारमा रहेको श्रीरामजानकी मन्दिरमा पुगेर समापन भएको थियो ।

स्थानीय संघसंस्था हिन्दु परिषदका पदअधिकारी ,लगायत भक्तजनको उल्लेख्य सहभागीता रहेको थियो । यात्रापछि मन्दिर परिसरमा पुगेका भक्तजनहरुलाई प्रसाद वितरण गरिएको  विश्व हिन्दु परिषद युवा बिभाग दुहबीका उपाध्यक्ष अभिषेक साह गुप्ताले जानकारी  दिए ।