विराटनगर / झापाको मेचीनगर नगरपालिका–११, तेलीबारीमा बस र मोटरसाइकल एकआपसमा ठोक्किँदा मंगलबार एकजनाको मृत्यु भएको छ।
धुलाबारीबाट चारआलीतर्फ जाँदै गरेको बागमती प्रदेश ०१–००६ ख ४९०९ नम्बरको बस र विपरीत दिशाबाट आएको मे १० प ३५७२ नम्बरको मोटरसाइकल ठोक्किएर दुर्घटना भएको हो।
दुर्घटनामा परि चन्द्रगढी नगरपालिका–६ निवासी अन्दाजी ४० वर्षीय मोटरसाइकल चालक किसन न्यौपानेको ज्यान गएको प्रहरीले जानकारी दिएको छ। गम्भीर घाइते भएका न्यौपानेलाई तत्काल उपचारका लागि बी एन्ड सी अस्पताल पुर्याइएको थियो। अस्पतालमा पुर्याउनासाथ चिकित्सकले उनलाई मृत घोषित गरेका हुन्।
दुर्घटनापछि प्रहरीले बस र चालक उदयपुरको चौदण्डीगढी नगरपालिका–६ निवासी विजयकुमार यादवलाई नियन्त्रणमा लिएको छ। घटनाबारे थप अनुसन्धान भइरहेको प्रहरीको भनाइ छ।
यस विषयमा थप जानकारी आउन बाँकी छ।